Ganî ma demokrasîya Rojawanî nêfetisnî

CNN Internatîonal de bi îmzeya Rahîla Guptaye yew xebere ameye weşênayîş û xebere de bale ancîyayo tecrubeyê demokrasî yê Rojawanî ser û qala muhîmîya pawitişê demokrasîya Rojawanî ameya kerdiş.

14 Şubat 2018 Çarşamba | Kirmanckî

CNN Internatîonal de bi îmzeya Rahîla Guptaye yew xebere ameye weşênayîş û xebere de bale ancîyayo tecrubeyê demokrasî yê Rojawanî ser û qala muhîmîya pawitişê demokrasîya Rojawanî ameya kerdiş. 

Guptaye xebere de dîyar kerdo ke Amerîka ewro hêrişê vera Rojawanî raşteraşt şermizar nêkena û no zî cesaret dano hêrişkaran. Guptaye wina dewam kerdo: “Raporî nîşanê ma danî ke bombekerdişanê peyênan de xeylê sîvîlî bîyî hedef. Sîstemo ke Rojawan de esto welatanê rojawanî de daxî çin o. O sîstem de seyyewbînanîya cinî û camêrdî esas yeno girewtiş. Herçiqas ke kurdî demêko derg binê zextê ereban de mendî, labelê reyna zî temsîlîyet dîyeno ereban.”

Guptaye dewamê qiseykerdişê xo de wina va: “Federasyonê Demokratîke yê Vakurê Sûrîye de bi hezaran bextwaştoxî bica bîyî. Kurdî sîstemê xo goreyê fikrê Rayberê xo Abdullah Ocalanî awan kerdî. Kurdî vera netewdewlete de îdareyê xoseran weçînayî. Şorişê Rojawanî welidîyayîşê dinya rê ebatîye keno. Erdoganî vatbî ‘wezîfeyê ma o yo ke welidîyayîşî ra ver bixeniqnî’. No welidîyayîş virazîya û ancax no eşkeno dinyayêka ehlaqin û seypê bivejo orte. Heta ke destê ma ra bêro ma do destek bidî nê şorişî. Ma destpêk de eşkenî vindarnayîşê sîlehan biwazî û Tirkîya NATOye ra teber bikerî.”


ANF / BRUKSEL 


95

YENİ ÖZGÜR POLİTİKA